• Um Hlaðvarpann
• Samþykktir
• Skipulagsskrá
• Stjórn
• Eldri fréttir
• Úthlutun 2008
• Úthlutun 2009
• Úthlutun 2010

Úthlutun styrkja 2010 úr menningarsjóði íslenskra kvenna

Úthlutunin fór fram í Iðnó kl. 17.00 þann 22. janúar 2010. Við úthlutun var þess gætt að styrkirnir nýtist sem flestum konum og haft er í huga að sem flest svið menningar njóti stuðnings.

Í nóvember 2009 voru auglýstir lausir til umsóknar styrkir úr Menningarsjóði Hlaðvarpans. Alls bárust vel á annað hundrað umsóknir og hafa þær aldrei verið fleiri. Í þessari þriðju úthlutun úr sjóðnum voru veittir 19 styrkir fyrir um samtals 14 milljónir króna, en alls bárust vel á annað hundrað umsóknir og hafa þær aldrei verið fleiri. Við úthlutun var þess gætt að styrkirnir nýttust sem flestum konum og haft var í huga að sem flest svið menningar njóti stuðnings.
Umsóknir voru fjölbreyttar og endurspegluðu lifandi og skapandi menningarheim kvenna. Hinn mikli fjöldi umsókna sýnir hversu mikil þörf er fyrir hendi og gróskan er mikil.

Lista yfir styrki má finna hér.

Hlaðvarpinn, menningarsjóður kvenna, var stofnaður árið 2007. Stofnfé hans var söluandvirði fasteignanna að Vesturgötu 3 í Reykjavík en á þeim hafði hópur kvenna fest kaup árið 1985. Um árabil hafði verið rekin þar fjölbreytt menningarstarfsemi kvenna en þegar ákveðið var að hætta rekstrinum var sjóðurinn stofnaður í samræmi við samþykktir félagsins, sem kváðu á um að yrðu húsin seld skyldi andvirði þeirra varið til styrktar menningarstarfsemi kvenna.

Úthlutun úr Menningarsjóði Hlaðvarpans 2009

Menningarsjóður Hlaðvarpans úthlutar 14 milljónum króna til menningarmála kvenna.
Úthlutunin fer fram í Iðnó kl. 17.00 þann 22. janúar. Í þessari þriðju úthlutun úr sjóðnum verða veittir 19 styrkir en alls bárust vel á annað hundrað umsóknir og hafa þær aldrei verið fleiri. Við úthlutun er þess gætt að styrkirnir nýtist sem flestum konum og haft er í huga að sem flest svið menningar njóti stuðnings.

Árið 1985 ákvað hópur kvenna að festa kaup á húsunum við Vesturgötu 3 í Reykjavík. Þau voru þá í nokkurri niðurníðslu og hætta á að þessi glæsilegu hús yrðu rifin. Ákveðið var að stofna hlutafélag kvenna sem keypti húsin og gekk undir nafninu Hlaðvarpinn. Smátt og smátt voru húsin gerð upp og þar blómstraði ýmis konar menningarstarfsemi um árabil. Þar var rekið leikhús, bæði í kjallara og sal, haldinn fjöldi tónleika og funda. Herbergi voru leigð út til félaga og fræðikvenna og þannig mætti áfram telja. Viðgerðir og rekstur voru félaginu þung í skauti og skuldir söfnuðust upp. Þar kom að ákveðið var að hætta rekstrinum og selja húsin. Í samþykktum Hlaðvarpans var kveðið á um að yrði félagið lagt niður skyldi andvirði húsanna varið til að styrkja menningarstarfsemi kvenna.

Ákveðið var því að stofna menningarsjóð kvenna og verður nú úthlutað úr sjóðnum þriðja árið í röð. Fjölgun umsókna milli ára sýnir glöggt hve frjó og fjölbreytt menningarstarfsemi kvenna er á Íslandi og að í erfiðu árferði skortir ekki á frumkvæði kvenna.

Stjórn menningarsjóðs Hlaðvarpans skipa:

Drífa Snædal formaðurKristín Ástgeirsdóttir varaformaður
Guðrún Erla Geirsdóttir, gjaldkeri
Ragnhildur Richter, ritari
Þóra Tómasdóttir, meðstjórnandi
Brynhildur G. Flóvenz, varamaður
Hrefna Haraldsdóttir, varamaður

Menningarsjóður Hlaðvarpans óskar eftir umsóknum um styrki

Úthlutun styrkja 2008 úr menningarsjóði íslenskra kvenna

Í nóvember 2008 voru auglýstir lausir til umsóknar í annað sinn styrkir úr Menningarsjóði Hlaðvarpans. Alls bárust á sjötta tug umsókna. Að þessu sinni var veittur 21 styrkur að fjárhæð samtals 14 milljónir króna til menningarmála kvenna. Umsóknir voru fjölbreyttar og endurspegluðu lifandi og skapandi menningarheim kvenna. Hinn mikli fjöldi umsókna sýnir hversu mikil þörf er fyrir hendi og gróskan er mikil.

Hlaðvarpinn, menningarsjóður kvenna, var stofnaður árið 2007. Stofnfé hans var söluandvirði fasteignanna að Vesturgötu 3 í Reykjavík en á þeim hafði hópur kvenna fest kaup árið 1985. Um árabil hafði verið rekin þar fjölbreytt menningarstarfsemi kvenna en þegar ákveðið var að hætta rekstrinum var sjóðurinn stofnaður í samræmi við samþykktir félagsins, sem kváðu á um að yrðu húsin seld skyldi andvirði þeirra varið til styrktar menningarstarfsemi kvenna. Fyrsta úthlutun var árið 2007 og fer nú fram úthlutun ársins 2008.

Úthlutun styrkja úr Menningarsjóði Hlaðvarpans árið 2008 fór fram í Iðnó föstudaginn 30. janúar 2009 og lista yfir styrki má finna hér.

Aðalfundur Hlaðvarpans ehf.

Aðalfundur Hlaðvarpans ehf., menningar- og styrktarsjóðs kvenna verður haldinn föstudaginn 14. nóvember 2008, kl. 17:15, á Hallveigarstöðum við Túngötu.
Dagskrá fundarins er eftirfarandi:

1. Skýrsla stjórnar fyrir árið 2007.
2. Endurskoðaðir reikningar félagsins lagðir fram til samþykktar.
3. Kosning þriggja kvenna í stjórn og tveggja í varastjórn.
4. Kosning endurskoðanda félagsins.
5. Ákvörðun um hvernig fara skuli með hagnað félagsins.
6. Ákvörðun um greiðslur til stjórnarkvenna.
7. Önnur mál.

Konur eru hvattar til að nýta rétt sinn sem hluthafar til að mæta á fundinn og kynna sér starfsemi sjóðsins.


Stjórnin

Menningarsjóður Hlaðvarpans veitir styrki í fyrsta sinn - 10 milljónir kr. til menningarmála kvenna

Föstudaginn 11. janúar fer fram afhending styrkja úr sjóði Hlaðvarpans við hátíðlega athöfn. Veittir verða 19 styrkir samtals að upphæð 10 milljónir kr. til menningarmála kvenna.

Athöfnin fer fram í Iðnó, 2. hæð og hefst kl. 17.00. Velunnarar og hluthafar Hlaðvarpans eru hjartanlega velkomnir. Alls bárust á sjötta tug umsókna og nam upphæðin sem sótt var um nærri 600 millj. kr. sem sýnir hve þörfin er gríðarlag og gróskan mikil.

Lesa fréttatilkynninguna í heild

Menningarsjóður Hlaðvarpans óskar eftir umsóknum um styrki